Hátt í 1.000 hermenn hafi gefist upp
Börn í Prag mótmæla stríðinu í Úkraínu og kalla eftir því að fólki verði bjargað frá Asovstal. Myndin er tekin í byrjun viku.
AFP
Setja bókamerki
Varnarmálaráðuneyti Rússlands sagði í dag að 959 úkraínskir hermenn, sem héldu til í Asovstal-stálverksmiðjunni í borginni Maríupol, hefðu gefist upp það sem af er viku.
„Á síðasta sólarhring gáfust 694 hermenn upp. Þar af voru 29 særðir,“ sagði í tilkynningu frá ráðuneytinu. „Síðan 16. maí hafa 959 hermenn gefist upp, þar af 80 særðir.“
Samkvæmt ráðuneytinu verða særðu hermennirnir færðir á spítala í bænum Novoasovsk sem Rússar ráða yfir.
Í síðasta mánuði tóku Rússar völdin í Maríupol eftir nokkurra vikna umsátur. Hundruð úkraínskra hermanna héldu þó áfram til neðanjarðar á Asovstal-iðnaðarsvæðinu.
Varnarmálaráðuneyti Úkraínu hefur sagt að það muni gera allt sem nauðsynlegt er til þess að bjarga þeim sem eftir sitja á iðnaðarsvæðinu.
Kaldasti veturinn kom að óvörum
Gígbarmurinn hækkað frá því í gær
Þyngri refsing fyrir að nauðga stjúpdóttur æskuvinar
„Höfum ekki náð að skríða upp úr þeirri gryfju“
Frambjóðendur skila inn listum í Hörpu
Krefjast stöðvunar framkvæmda
Nemendur í HÍ reistu tjaldbúðir án leyfis
Telur forsendur fyrir vaxtalækkun