JP Morgan Chase nær sátt í Epstein-máli
Setja bókamerki
JP Morgan Chase hefur náð sátt í meginatriðum í hópmálsókn sem fórnarlömb Jeffrey Epstein höfðuðu gegn bankanum.
„Báðir aðilar telja að þetta samkomulag þjóni öllum vel sem að málinu koma, sérstaklega fórnarlömbum hryllilegrar misnotkunar Epsteins,“ sagði í sameiginlegri yfirlýsingu.
Engar frekari upplýsingar um upphæðir voru gefnar í yfirlýsingunni, þar sem kom fram að dómstóll þurfi að samþykkja sáttina sem náðist.
Deutsche Bank náði sams konar sátt í maí, en auðjöfurinn Epstein lést í fangelsi árið 2019.
Báðir bankarnir stunduðu viðskipti við Epstein á sínum tíma.
„Þetta hefur tekið langan tíma, of langan tíma, en dagurinn í dag er frábær fyrir fórnarlömb Jeffrey Epstein og frábær dagur fyrir réttlætið,“ sagði David Boies hjá lögfræðistofunni Boies Schiller og Flexner sem starfaði fyrir hönd fórnarlamba Epsteins í málarekstrinum gegn báðum bönkunum.
JP Morgan Chase sagðist sjá eftir samskiptum sínum við Epstein. „Við skiljum það öll núna að hegðun Epstein var hryllileg,“ sagði talsmaður bankans.
Tveggja mánaða flandur um Nýja-Sjáland
Fimm dauðir hvolpar fundust í poka
Forsetinn líti yfir axlirnar á þingheimi
Norskur lögreglumaður dæmdur
Laugavegur hjólaferðamannsins að fæðast
Fjallabak, Sprengisandur og niður í Eyjafjörð
Eru að vakta stöðuna í bólusetningum barna
Sennilega gróðureldur, ekki ný sprunga