Dregur úr umfangi óeirða í Frakklandi
Setja bókamerki
Innanríkisráðuneyti Frakklands segir að verulega hafi dregið úr umfangi óeirða síðasta sólarhringinn. Nú er vika liðin frá því lögreglumaður skaut unglinginn Nahel Merzouk við almennt umferðareftirlit.
Franska lögreglan fer fyrir umfangsmiklum aðgerðum til þess að ná tökum á óeirðunum. Alls voru 72 handteknir í nótt, þar af 24 í París. Kveikt var í 24 byggingum í nótt. Undanfarna tvo sólarhringa hafa um 45 þúsund lögreglumenn verið á vakt vegna ástandsins.
Þar að auki var kveikt í 159 bifreiðum og kveiktir 202 eldar í ruslatunnum og víðar. Bæjastjórar í Frakklandi boðuðu til mótmæla gegn óöldinni í landinu. Merkja sumir ákveðin þáttaskil eftir að mótmælendur létu brennandi bíl skella á heimili bæjarstjóra eins útbæjar Parísar. Fjölskylda bæjarstjórans slasaðist og húsið stórskemmdist.
Að flytja á Álftanes var skrifað í skýin
Nýr skóli í Laugardal á teikniborðinu
„Ég er einfaldlega of heiðarlegur“
Einn alvarlega slasaður eftir umferðarslys
Um 60 skjálftar í kvikuganginum
Blinken kominn til Úkraínu – Rússar herða sókn