Flaggað í hálfa stöng í Finnlandi

Flaggað verður í hálfa stöng í Finnlandi í dag eftir að 12 ára drengur hóf skothríð í grunnskóla í gær með þeim afleiðingum að einn skólafélagi hans dó og tveir til viðbótar særðust.

Frétt af mbl.is

„Síðan heyrðust hræðileg öskur“

Við allar opinberar byggingar og stofnanir verður flaggað í hálfa stöng, að sögn finnska innanríkisráðuneytisins. Hvatti það jafnframt alla þjóðina til að gera slíkt hið sama.

Fólk kemur saman þar sem kerti og blóm voru lögð á jörðina skammt frá skólanum. AFP/Roni Rekomaa

Að sögn finnsku sjónvarpsstöðvarinnar MTV Uutiset var drengurinn með grímu fyrir andlitinu og heyrnartól á höfðinu sem lokuðu fyrir utanaðkomandi hávaða þegar hann gerði árásina.

Frétt af mbl.is

Barn látið eftir skotárás í Finnlandi

AFP/Roni Rekomaa

Þegar lögreglan kom á vettvang hafði drengurinn lagt á flótta. Innan klukkustundar var hann handtekinn og viðurkenndi hann við yfirheyrslur að hafa framið verknaðinn. Enginn annar er grunaður um aðild að árásinni, að sögn lögreglunnar.

Frétt af mbl.is

Þrjú 12 ára börn særð eftir skotárásina

• Blogga um frétt