Lögregla á Húsavík lagði hald á smygl úr rússnesku skipi

Lögreglan á Húsavík lagði í gærkvöldi hald á tíu lítra af vodka og átta karton af sígarettum sem keypt höfðu verið um borð í rússneskum togara, sem er við bryggjuna á Húsavík.  Lögregla hafði afskipti af fólki í bíl í bænum sem hafði farið um borð og keypt áfengið. 

Að sögn lögreglunnar á Húsavík er um tollalagabrot að ræða og mega kaupendur búast við fjársektum.

Lögregla hefur áður haft afskipti af sama skipinu en að sögn lögreglu var lagt hald á 40 lítra af sterku áfengi og 1400 karton í skipinu árið 2006 þegar það var við höfn í Raufarhöfn.

• 5 blogg um fréttina

Bloggað um fréttina

• Haraldur Bjarnason: "Gott skip" á Húsavík
• Geir Ágústsson: Hver er glæpurinn?
• Reynir Andri: Er einhver með númer?
• Þorsteinn Gunnarsson: Rasískt...
• Frikkinn: Löggan hirti "glæpóið" .