Grjótharður leirinn kæfir sprettuna í túnunum

Þykkt lag af leir og framburði stíflar skurðina.
Þykkt lag af leir og framburði stíflar skurðina. Ómar Óskarsson

Sigurður Þór Þórhallsson, bóndi á Önundarhorni, telur hættu á að stór hluti af tíu ára ræktunarstarfi hans á jörðinni sé unninn fyrir gýg eftir að jökulvatn flæddi yfir 50-60 hektara af túnum við bæinn í fyrradag. „Þessi leir kæfir allan gróður,“ sagði hann. „Þetta er náttúrlega bara hræðilegt.“

Með hlaupinu í Svaðbælisá fylgdi mikið magn af fíngerðum jökulleir. Þegar vatnið hafði sjatnað kom eyðileggingin í ljós. Hún nær bæði til túnanna, sem öll eru nýleg, og til skurðanna sem gegna lykilhlutverki í ræktunarstarfinu.

„Þetta er allt annað land að koma á,“ sagði Sigurður þegar hann gekk með blaðamanni og ljósmyndara Morgunblaðsins um túnin í gær. „Leirinn er eins og malbik.“

Víða er um eins metra þykkt lag af leir í botni skurðanna við túnin og sums staðar eru þeir með öllu stíflaðir. Svo mikið af leir verður til þess að skurðirnir, jafnvel þó þeir séu ekki beinlínis stíflaðir, gegna ekki lengur framræsluhlutverki sínu og með því skemmast túnin.

Sjá ítarlega umfjöllun um þetta mál í Morgunblaðinu í dag.


Harður leir er yfir stórum hluta túnana.
Harður leir er yfir stórum hluta túnana. Ómar Óskarsson
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »