Enn tekist á hjá VG

Þingmenn VG á fundi í gær.
Þingmenn VG á fundi í gær. mbl.is

Engin niðurstaða fékkst í helstu ágreiningsmál á löngum þingflokksfundi Vinstrihreyfingarinnar – græns framboðs, sem stóð samtals í um sjö og hálfa klukkustund í gær og lauk fundinum ekki fyrr en um hálftíuleytið.

Samkvæmt upplýsingum Morgunblaðsins fór mestur hluti fundarins í umræður um stefnu VG í Evrópusambandsmálum, en einnig var stefna flokksins í sjávarútvegsmálum rædd, og varð niðurstaðan sú að fresta frekari umræðum í þingflokknum fram í næstu viku.

Í umfjöllun um mál Vinstri grænna í Morgunblaðinu í dag kemur fram, að þingmenn sem rætt var við í gærkvöldi sögðu að umræðum um stefnuna í Evrópusambandsmálum væri hvergi nærri lokið. Nú tæki við fundaherferð VG um land allt og í kjölfar hennar ættu mál að hafa skýrst.

Samkvæmt upplýsingum Morgunblaðsins kom ekki til umræðu á fundinum krafa þeirra Atla Gíslasonar, Ásmundar Einars Daðasonar og Lilju Mósesdóttur, um að starfandi þingflokksformaður biðjist opinberlega afsökunar á ummælum sínum um Lilju Mósesdóttur, eins og þremenningarnir gerðu kröfu um í greinargerð sinni.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »