2,5 milljónir vegna opnunar í Skálafelli

Borgarráð samþykkti í dag að veita allt að 2,5 milljónir króna viðbótarframlag af styrkjalið borgarráðs til Skíðasvæða höfuðborgarsvæðisins vegna opnunar í Skálafelli enda liggi fyrir samþykki annarra samstarfssveitarfélaga um þeirra viðbótarframlag.

Sóley Tómasdóttir borgarráðsfulltrúi Vinstri grænna óskaði eftir að bóka vegna þessa máls. „Borgarráðsfulltrúi Vinstri grænna hefur fulla samúð með skíðaiðkendum en telur ómögulegt við núverandi aðstæður að veita frekari fjármunum til rekstrar skíðasvæðanna á sama tíma og verið er að skera niður í grunnþjónustu borgarinnar, m.a. við börn og fjölskyldur.“

mbl.is