Komið er að endurnýjun sorpbíla í borginni. Umhverfis- og skipulagsráð hefur samþykkt tillögu umhverfis- og skipulagssviðs um að kaupa svokallaða tvískipta sorpbíla.
„Nú erum við farin í aukna hirðu á flokkuðu sorpi og teljum hagkvæmara að hafa bílana tvískipta,“ segir Guðmundur B. Friðriksson, skrifstofustjóri skrifstofu umhverfisgæða.
Pappír verður hirtur í annað hólfið og blandað sorp í hitt, en hingað til hefur sorphirða farið fram á tveimur mismunandi bílum.