Björgunarsveitir frá Hólmavík, Reykhólum og Búðardal hafa verið kallaðar út vegna slyss á Þorskafjarðarheiði sunnanverðri. Um er að ræða vélsleðamann sem ók fram af hengju.
Maðurinn var einn á ferð og hringdi sjálfur eftir aðstoð. Segist hann vera illa fótbrotinn og að ástand hans fari versnandi. Þyrla Landhelgisgæslunnar var einnig kölluð út og er hún á leið á slysstað, segir í frétt frá Slysavarnafélaginu Landsbjörg.