„Það er allt í lagi að skipta um skoðun“

Landspítali háskólasjúkrahús við Hringbraut
Landspítali háskólasjúkrahús við Hringbraut mbl.is/Ómar Óskarsson

Engin ný fæðingadeild er fyrirhuguð í nýju sjúkrahúsi Landspítalans sem á að rísa við Hringbraut á næstu árum. Ebba Margrét Magnúsdóttir, fæðingalæknir á Landspítalanum vakti athygli á þessu í grein sem birtist í Fréttablaðinu á fimmtudaginn og hafa viðbrögðin ekki látið á sér standa.

Í samtali við mbl.is segir Ebba að fjölmargir hafi haft samband við sig á netmiðlum í kjölfar greinarinnar og að „allt logi“ í lokuðum læknahópum á Facebook. Í greininni gagnrýnir Ebba jafnframt ákvörðun um fyrirhugaða staðsetningu nýja Landspítalans við Hringbraut og þá þöggun sem virðist ríkja um hana.

Hentar ekki fæðingaþjónustu nútímans

Fæðingadeild Landspítalans er til húsa í sextíu ára gömlu húsi við Hringbraut. „Þessar byggingar eru orðnar barns síns tíma og það þarf að halda þeim mikið við. Við starfsmennirnir stofnuðu Styrktarfélagið Líf og erum alltaf að safna og laga en húsið hentar ekki fæðingaþjónustu nútímans,“ segir Ebba.

Hún segir jafnframt að samstarfsmenn hennar á fæðingadeild séu ekki sáttir við það að ekki sé gert ráð fyrir fæðingadeild á nýja sjúkrahúsinu. Þar verður hins vegar kvennadeild þar sem aðgerðir vegna sjúkdóma í móðurlífi verða framkvæmdar.

Má ekki rugga bátnum

Að sögn Ebbu eru það þó ekki aðeins starfsmenn kvennadeildar sem eru óánægðir með fyrirhugað sjúkrahús. „Það eru mjög margir sem eru ekkert ánægðir með þetta staðarval. En þar sem það er búið að taka þessa ákvörðun um að hafa nýja sjúkrahúsið á Hringbraut er eins og það megi ekki rugga þeim bát. Það er nokkurskonar þöggun í gangi. Ef þú ert að skipuleggja stækkun á þínu eigin húsi og það líða 10-15 ár eru fjölskylduaðstæður breyttar. Þú stækkar ekki bara eins og hlutirnir voru einu sinni heldur hugsar fram í tímann, ekki alltaf aftur á bak. Það er það sem ég er að benda á.“

Ebba segist hafa skrifað greinina í Fréttablaðið til þess að vekja athygli á þeim göllum sem eru að hennar mati á áætlunum um nýjan spítala. „Ég get ekki verið starfsmaður á plani og segja ekki frá því að það er ekki gert ráð fyrir fæðingadeild á nýja sjúkrahúsinu. Þjóðin vissi þetta ekki, það er augljóst,“ segir hún og vísar í viðbrögðin við greininni.

Þöggun um staðsetningu spítalans

Ebba telur að ákveðin þöggun ríki um nýja spítalann þegar það kemur að staðsetningu. Búið er að ákveða að hann verði við Hringbraut og að mati Ebbu er eins og yfirmenn, millistjórnendur og Alþingismenn vilji ekki hrófla við þeirri ákvörðun.

„Ég held að meinið sé það að  þetta er of knappur landkostur og að þarna verði byggður bútaspítali. Þetta verður alltaf svolítið klúðurslegt. Síðan þarf líka að skoða það að ætla að byggja þetta ferlíki þarna þegar það kemur að skipulagsmálum miðbæjarins. Það þarf að horfa lengra og horfa vítt skipulega séð.“

Ebba nefnir sem dæmi sjúkrahúsið í Edinborg í Skotlandi en þar stundaði hún framhaldsnám. „Þar sem ég lærði í Edinborg var sjúkrahúsið í miðbænum. Svo átti að stækka það og þeim datt ekki í hug að hafa það í miðbænum. Þeir fóru bara rétt fyrir utan borgarmörkin og þar er flottur spítali.“ Ebba bendir einnig á að ef nýr Landspítali er byggður á einhverjum öðrum stað yrði vinnufriður á gamla sjúkrahúsinu á meðan. „Hvernig heldurðu að það verði að vinna þarna næstu árin á meðan á framkvæmdum stendur?“

Ebba hefur áhyggjur af þeirri þöggun sem virðist ríkja um nýja Landspítalann. „Þess vegna heitir greinin „Það sem má ekki segja“. Ég fór til dæmis á fund  velferðarnefndar Alþingis sem varaformaður Læknaráðs fyrir tæpu ári síðan. Þar sagði ég sumt sem ég segi í greininni og það féll ekki vel í kramið. Það er eins og það megi ekki efast um þessar áætlanir. En það er mín skylda sem læknir á gólfinu og talsmaður kvenna í landinu að segja frá þessu. Þegar börnin mín fara að eiga börn ætla þau að mæta í 100 ára gamalt hús?“

Það þarf að horfa fram á veginn

Hún bendir jafnframt á að ekki er gert ráð fyrir rými fyrir nýjan jáeindaskanna sem Íslensk erfðagreining ætlar að gefa Landspítalanum. „Þegar nýi Landspítalinn var hannaður var sú læknisfræði ekki til,“ bendir Ebba á.

„Það þarf að hugsa hvernig við viljum sjá heilbrigðismálin og þessa helstu heilbrigðisstofnun landsmanna þróast næstu árin. Við þurfum að horfa fram á veginn. Við megum ekki alltaf láta þessa pólitík ráða ferð. Við verðum að vera framsýn, með kjark og þor og greind. Það er allt í lagi að skipta um skoðun.“

Ebba segist hafa tekið eftir því að yfirmenn og millistjórnendur á sjúkrahúsinu hafi lítið tjáð sig um staðsetningu nýja sjúkrahússins. „Ég held að þeir séu kannski með bundið fyrir munninn vegna sinnar stöðu og þora þess vegna ekki að tjá sig. Það er eins og þar sem að þessi ákvörðun hefur verið tekin má ekki breyta henni.“

Eins og fyrr kom fram hefur Ebba fengið gífurlega sterk viðbrögð við greininni og er ljóst að fleiri en hún eru óánægðir með áætlaða staðsetningu nýja sjúkrahússins. „Við á kvennadeildinni höfum rætt þetta á okkar fundum og hvernig á að bregðast við. En ég hef fundið fyrir því millistjórnendur þora lítið að gera. Þess vegna ákvað ég bara að taka bara boltann og segja það sem ekki mátti segja og ég stend og fell með mínum orðum.“

Ebba Margrét Magnúsdóttir, fæðingalæknir.
Ebba Margrét Magnúsdóttir, fæðingalæknir. mbl.is/Ómar Óskarsson
mbl.is

Innlent »

Tölva Hauks á leið til landsins

17:24 Eva Hauksdóttir, móðir Hauks Hilmarssonar sem talinn er hafa látið lífið í Afrin-héraði í Sýrlandi í fyrra, greinir frá því á vefsíðu sinni að tölva Hauks sé kominn til Evrópu fyrir tilstilli Ögmundar Jónassonar. Hún reiknar með því að tölvan komi til Íslands fljótlega. Meira »

Ekið aftan á lögreglubíl á vettvangi

16:57 Ekið var á lögreglubíl á vettvangi slyss á Strandarheiði á Reykjanesbraut í morgun en mikil hálka var á svæðinu. Lögregla biðlar til ökumanna að sýna tillitssemi á slysstöðum og draga úr hraðanum til að koma í veg fyrir frekari slys. Meira »

Kannabisolíu blandað saman við veip-vökva

16:20 Lögreglan á Suðurnesjum fann meint fíkniefni, lyf og stera í húsleit í umdæminu sem gerð var nýverið að fenginni heimild. Grunur lék á að þar færi fram fíkniefnaframleiðsla og -sala með þeim hætti að kannabisolíu væri blandað saman við veip-vökva og hann seldur í ágóðaskyni. Meira »

Unglingar á hálum ís

15:57 Lögreglan á Vestfjörðum hafði í dag afskipti af unglingum við leik á ísilögðum Pollinum í Skutulsfirði. Henni þykir rétt að minna á hættuna sem getur skapast við leik á hafís. Meira »

Klósettferðin á BSÍ kostar 200 krónur

14:25 Gjaldtaka hófst í vikunni fyrir notkun salernisaðstöðu á BSÍ. Björn Ragnarsson, framkvæmdastjóri Kynnisferða, segir að ákvörðunin hafi verið tekin í haust og að tilgangurinn sé fyrst og fremst að tryggja hreinlæti. 200 krónur kostar að fara á salernið en frítt er fyrir börn. Meira »

Borðum okkur ekki í gröfina!

13:56 „Það fjalla mjög margir þættir í sjónvarpi um lífsstíl og við liggur að hugtakið sé komið með óorð á sig. Þess vegna langaði mig að koma úr annarri átt og niðurstaðan varð sú að leggja áherslu á að þetta væri vísindaleg nálgun án þess þó að hljóma eins og Sigurður H. Richter.“ Meira »

„Auðvitað kvikna viðvörunarljós“

11:59 „Rauð ljós kvikna út um allt, eðlilega,“ segir Gunn­ar Hrafn Birg­is­son, doktor í klín­ískri sál­fræði, um bréfaskrif Jóns Bald­vins Hanni­bals­son­ar til Guðrún­ar Harðardótt­ur, systurdóttur Bryndísar Schram, eiginkonu Jóns Baldvins. Meira »

Slagsmál í BT opnuðu augun

11:55 Þegar Þorsteinn Kristjáns Jóhannsson áttaði sig á að hann hafði eytt bróðurparti lífs síns í tölvuleiki og óhóflega tölvunotkun ákvað hann að snúa blaðinu við og aðstoðar í dag aðra við að ná tökum á skjánotkun sinni. Meira »

Hægt að skella sér á skíði

11:53 Skíðasvæðin á Dalvík, Oddskarði og Siglufirði eru opin í dag en lokað í Hlíðarfjalli og Tindastól. Í Bláfjöllum er búið að leggja gönguskíðabraut og eins verður hægt að fara á gönguskíði á troðinni braut í Heiðmörk eftir hádegi. Á Ísafirði er lokað í Tungudal en opið í Seljalandsdal. Meira »

„Stefndu mér!“

11:10 Aldís Schram segir föður sinn vera siðblindan kynferðisbrotamann en hún hefur sett inn færslu á Facebook í tilefni af beiðni mbl.is um viðtal í gær vegna yfirlýsingar Jóns Baldvins Hannibalssonar í Morgunblaðinu og Fréttablaðinu í gærmorgun. Meira »

Spá hríð og skafrenningi

11:03 Veðurfræðingur Vegagerðarinnar segir að útlit sé fyrir hríð, skafrenning og slæmu skyggni á Hellisheiði og öðrum fjallvegum suðvestanlands milli klukkan 18 og 21 í kvöld. Meira »

Ræða bréfaskrif Jóns Baldvins

09:20 Gunnar Hrafn Birgisson, doktor í klínískri sálfræði er gestur Bjartar Ólafsdóttur í þættinum Þingvellir á K100 klukkan tíu. Þau munu meðal annars ræða bréfaskrif Jóns Baldvins Hannibalssonar til Guðrúnar Harðardóttur í þættinum. Meira »

Svipað magn og við krufningar

09:17 Ökumönnum sem grunaðir eru um akstur undir áhrifum vímuefna hefur fjölgað gríðarlega undanfarin misseri og rannsókn á blóðsýnum þeirra sýnir svo að ekki verður um villst að margir þeirra sem eru úti í umferðinni eru undir áhrifum vímuefna og eða lyfja. Kvíðalyf eru þar áberandi. Meira »

Unnið að hreinsun gatna

08:09 Hálka og hálkublettir eru á öllum stofnbrautum á höfuðborgarsvæðinu en starfsmenn Reykjavíkurborgar hafa frá því nótt verið að hreinsa götur og stíga en heldur bætti í snjóinn í nótt. Meira »

Frábær árangur hjá íslensku konunum

07:58 Fimm af þeim átta íslensku ofurhlaupurum sem tóku þátt í Hong Kong ultra-hlaup­inu sem hófst aðfararnótt laugardags luku keppni. Íslensku konurnar stóðu sig frábærlega í hlaupinu en þær luku allar keppni. Tveir af fimm körlum náðu að ljúka hlaupinu. Meira »

Náðist eftir eftirför

07:21 Ökumaður sinnti ekki stöðvunarmerki lögreglu í hverfi 104 á fjórða tímanum í nótt en náðist eftir eftirför. Ökumaðurinn var undir áhrifum fíkniefna ásamt því að vara sviptur ökuréttindum. Hann var einn fjölmargra sem var stöðvaður í gærkvöldi og nótt fyrir akstur undir áhrifum vímuefna. Meira »

Stormur og snjókoma í kvöld

07:07 Dagurinn byrjar á klassísku vetrarveðri, suðvestanátt og éljum um landið sunnan- og vestanvert, en víða léttskýjað fyrir austan og frost um allt land. Um kvöldmatarleytið koma skil upp að landinu suðvestanverðu með suðaustan hvassviðri eða stormi og snjókomu. Meira »

Tvö útköll á dælubíla

06:58 Slökkvilið höfuðborgarsvæðisins sinnti tveimur brunaútköllum í nótt en í báðum tilvikum tengt eldamennsku.   Meira »

Þrír haldi vegna líkamsárásar

06:51 Lögreglan handtók þrjá menn í Hafnarfirðinum á níunda tímanum í gærkvöldi vegna líkamsárásar, vopnaburðar og vörslu fíkniefna. Mikið álag var á lögreglunni á höfuðborgarsvæðinu í gærkvöldi og nótt vegna ölvunar og eru allar fangageymslur fullar eftir nóttina. Meira »
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Viltu vita hvað er framundan ?
Segi þer það sem þeir sem farnir eru segja mer um framtíð þína. Bollar og tar...
Úlpa
Til sölu ónotuð 66º Norður úlpa, Hekla, í stærð L. Fullt verð kr. 39.000, tilboð...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...