Hundruð milljóna í ráðgjafarstörf
Setja bókamerki
Varið hefur verið samtals rúmlega 334 milljónum króna til kaupa á sérfræði-, ráðgjafar- og kynningarstörfum frá upphafi árs 2014 fyrir velferðarráðuneytið og mennta- og menningarráðuneytið. Þetta kemur fram í svörum Eyglóar Harðardóttur félags og húsnæðismálaráðherra, Illuga Gunnarssonar mennta- og menningarmálaráðherra og Kristjáns Þórs Júlíussonar heilbrigðisráðherra við skriflegri fyrirspurn Katrínar Jakobsdóttur, formanns Vinstrihreyfingarinnar - græns framboðs, sem birt voru í dag.
„Kostnaður vegna kaupa á sérfræði-, ráðgjafar- og kynningarþjónustu fyrir velferðarráðuneytið á vegum félags- og húsnæðismálaráðherra frá upphafi árs 2014 til og með 31. október 2015 samkvæmt túlkun ráðuneytisins er að fjárhæð 129.505.664 kr. Að auki er sameiginlegur kostnaður sem fellur á ráðuneytið á tímabilinu og kemur hann fram í svari heilbrigðisráðherra,“ segir í svari Eyglóar en stærsta einstaka greiðslan var til KPMG ehf. fyrir aðstoð við tillögu- og frumvarpsgerð vegna framtíðarskipan húsnæðismála eða tæpar 25 milljónir króna.
„Á tímabilinu 1. janúar 2014 til 31. október 2015 hefur ráðuneytið greitt samtals 124.954.610 kr. fyrir sérfræði-, ráðgjafar- og kynningarstörf sem skiptast þannig: Sérfræðistörf 99.857.265 kr., ráðgjafarstörf 3.348.887 kr. og kynningarstörf 21.748.458 kr.,“ segir í svari Illuga en stærsta einstaka greiðslan þar var 11,6 milljónir til LC ráðgjafar ehf. vegna verkefnis um læsi.
„Kostnaður vegna kaupa á sérfræði-, ráðgjafar- og kynningarþjónustu fyrir velferðarráðuneytið á vegum heilbrigðisráðherra frá upphafi árs 2014 til og með 31. október 2015 samkvæmt túlkun ráðuneytisins er að fjárhæð 77.970.633 kr. Að auki er sameiginlegur kostnaður heilbrigðisráðherra og félags- og húsnæðismálaráðherra á tímabilinu að fjárhæð 1.779.914 kr. sem fellur undir velferðarráðuneytið,“ segir í svari Kristjáns en stærsta einstaka greiðslan þar var til Íslenska skipafélagsins, rúmar 14,7 milljónir króna, vegna verkefnastjórnar verkefnisins „Betri heilbrigðisþjónusta“.
Vonast til að tjaldbúðir við HÍ standi áfram
Banna mengandi búnað sem leyfður er á Íslandi
Hvorki sést áður hér á landi né annars staðar
Væri að ljúga ef ég segðist ekki stressaður
Handteknir eftir myndatöku í Vesturbæjarlaug
Kostnaður meiri en milljón á fermetra
„Höfum ekki náð að skríða upp úr þeirri gryfju“