Lausfrystir sem starfsmenn Skagans3X á Akranesi smíða fyrir brasilíska fyrirtækið BRF mun afkasta fimm tonnum á klukkustund.
Tæknin sem þessu fylgir þykir góð og á að skila aukinni nýtingu kjúklingaafurða sem nemur 800 kílóum á sólarhring.
Þetta er sjöundi frystirinn á nokkrum mánuðum sem Skagamenn smíða fyrir BRF en þeir greina víða í löndum Suður-Ameríku áhuga á þeim tæknilausnum sem þeir bjóða, að því er fram kemur í umfjöllun um útrás þessa í Morgunblaðinu í dag.