Rafmagnstruflanir eru á Vestfjörðum eftir að Súðavíkurlína sló út í gærkvöldi. Samkvæmt upplýsingum frá Orkubúi Vestfjarða er búið að finna ástæðu bilunarinnar og vinna starfsmenn nú að viðgerð.
Einnig var straumlaust í Engidal um tíma.
Á þessari stundu er ekki vitað hvenær rafmagn kemst aftur á alls staðar, en það ætti þó að gerast seinna í dag. Þá er rafmagn nú skammtað í Súðavík vegna bilunar í rafstöð og verður það gert þar til viðgerð lýkur.
Rafmagn fór einnig af í Ketildölum í Arnarfirði og gerðist það um klukkan 19:30 í gærkvöldi.