Að sögn Helga Gunnlaugssonar, afbrotafræðings og prófessors við Háskóla Íslands, er margt líkt með skotárás á Akureyri í fyrrinótt og Hraunbæjarmálinu svokallaða í desember 2013.
Í báðum tilvikum skaut andlega veikur maður úr haglabyssu sinni í íbúðarhverfi, að því er fram kemur í umfjöllun um mál þetta í Morgunblaðinu í dag.
Endalok málsins á Akureyri urðu þó öllu betri en í Hraunbæ, byssumaðurinn var handtekinn óvopnaður á Akureyri en hinn var felldur.