Óbreytt ástand er á rafleiðni í Jökulsá á Fjöllum. Áætlað var að fljúga yfir svæðið í dag, en líkt og í gær þurfti að fresta því vegna veðurs. Jarðhitavatn hefur valdið aukinni rafleiðni í ánni síðustu vikur.
Sérfræðingar Veðurstofu Íslands funduðu með fulltrúum almannavarnadeildar ríkislögreglustjóra eftir hádegi í dag. Á fundinum var farið yfir stöðu og þróun mála Jökulsár á Fjöllum.
Að sögn Bjarka Kaldalóns Frees, náttúruvársérsérfræðings hjá Veðurstofu Íslands, hefur ekki orðið mikil breyting á rafleiðni síðustu daga, en nýjustu mælingar sýna sömu leitni og undanfarnar tvær vikur. Upptök vatnsins eru líklega í Kverkfjöllum, að mati Veðurstofu Íslands.
Frétt mbl.is: Uppruninn hugsanlega í Kverkfjöllum
Frétt mbl.is: Fólk fari gætilega við Jökulsá
Fólk sem á leið um svæðið er beðið að sýna aðgát nálægt ánni vegna brennisteinslyktar.