Spítalinn úr Fossvogi

Landspítalinn í Fossvogi.
Landspítalinn í Fossvogi. Eggert Jóhannesson

Stefnt er að því að flytja bráðadeild og rannsóknir úr Landspítalanum í Fossvogi yfir í meðferðarkjarna nýs Landspítala árið 2023. Áformað er að hefja framkvæmdir í sumar.

Benedikt Olgeirsson, framkvæmdastjóri þróunarsviðs Landspítalans, segir megnið af starfsemi í Fossvogi flytjast burt árið 2023.

„Við hefjum byggingu meðferðarkjarnans í ár og erum að hanna rannsóknarhúsið. Vonandi byrjum við á því á næsta ári. Stefnt er að því að klára þessar tvær stóru byggingar árið 2023. Annars vegar á að sameina bráðastarfsemi spítalans í meðferðarkjarnanum. Hins vegar á að sameina rannsóknarstarfsemi í rannsóknarhúsinu. Hún er nú mjög dreifð,“ segir Benedikt.

Hann segir að samhliða verði sambærileg starfsemi við Hringbraut, til dæmis skurðstofur og bráðastarfsemi, flutt í meðferðarkjarnann. Þá taki við endurnýjun á gamla húsnæðinu til að taka við starfsemi sem eftir verður í Fossvogi. „Þessi flétta tekur eitt til tvö ár,“ segir hann í umfjöllun um þessa flutninga í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »