Skaut flugeldum inn í hóp manna

Margir leggja leið sína á Skólavörðuholtið við Hallgrímskirkju um áramótin.
Margir leggja leið sína á Skólavörðuholtið við Hallgrímskirkju um áramótin. mbl.is/Árni Sæberg

Lögreglan á höfuðborgarsvæðinu óskar eftir vitnum að atviki sem átti sér stað á nýársnótt, rétt eftir miðnætti en svo virðist sem að einstaklingur hafi vísvitandi skotið flugeldum inn í hóp manna sem voru staddir við Hallgrímskirkju.

Fimm ferðamenn voru staddir við kirkjuna, en flugeldurinn virðist hafa sprungið í hópnum með þeim afleiðingum að einn ferðamannanna fékk brunasár, meðal annars í andliti.

Þeir sem kunna að hafa upplýsingar um atvikið, t.d. hver það var sem skaut umræddum flugeldum, er beðinn um að hafa samband við Lögregluna á höfuðborgarsvæði, gegnum einkaskilaboð á Facebook-síðu embættisins, gegnum símann 444-1000 eða í netfangið jon.orn@lrh.is



mbl.is
Fleira áhugavert
Fleira áhugavert