Karlmaður á sextugsaldri var síðastliðinn föstudag úrskurðaður í fjögurra vikna gæsluvarðhald vegna gruns um kynferðisbrot gegn 17 ára pilti. Jafnvel er talið að maðurinn hafi brotið gegn fleiri börnum.
Maðurinn var upphaflega úrskurðaður í vikulangt varðhald, sem var svo framlengt um fjórar vikur á föstudag. Greint var frá málinu í kvöldfréttum Stöðvar 2 í síðustu viku en þar segir að maðurinn hafi greitt fyrir kynferðislegar athafnir með peningum eða lyfjum.
Grímur Grímsson yfirlögregluþjónn sagðist í samtali við RÚV í morgun ekki geta greint frá því hvort maðurinn eigi að baki dóma af þessu tagi.