Tekin var ákvörðun um það á fundi stjórnskipunar- og eftirlitsnefndar Alþingis í dag að gera hlé á rannsókn nefndarinnar á embættisfærslum Sigríðar Andersen dómsmálaráðherra í tengslum við skipun dómara við Landsrétt á meðan málið er til skoðunar hjá umboðsmanni Alþingis.

Þetta segir Helga Vala Helgadóttir, þingmaður Samfylkingarinnar og formaður nefndarinnar í samtali við mbl.is.

Greint var frá því nýverið að umboðsmaður Alþingis hefði kallað eftir gögnum um málið frá dómsmálaráðuneytinu og verður tekin í framhaldinu ákvörðun um það hvort embættið taki það til formlegrar athugunar.

Stjórnskipunar - og eftirlitsnefnd mun síðan meta þegar fyrir liggur hver niðurstaða umboðsmanns Alþingis verður hvert framhald málsins hjá nefndinni verður.

Helga Vala Helgadóttir. Ljósmynd/Samfylkingin

Tengdar fréttir

Landsréttur

Eiganda buy.is gert að greiða 258 milljónir

• Sex mál endurupptekin vegna Landsréttarmálsins
• Mál Guðmundar fyrir Landsrétt á ný
• Endurupptaka breyti ekki endilega niðurstöðunni
• Gott að það sé komin staðfesting

» Fleiri tengdar fréttir

• Blogga um frétt