Veginum um Súðavíkurhlíð lokað vegna veðurs

Súðavíkurhlíð nú á tólfta tímanum.
Súðavíkurhlíð nú á tólfta tímanum. Ljósmynd/Vegagerðin

Vegna veðurs og slæmrar veðurspár í dag hefur verið ákveðið að loka veginum um Súðavíkurhlíð að sögn lögreglunnar á Vestfjörðum. Að sögn Vegagerðarinnar hefur hættustigi vegna snjóflóða verið lýst yfir.

Lögreglan bendir vegfarendum á að fylgjast með vef Vegagerðarinnar eða hafa samband í upplýsingasíma Vegagerðarinnar 1777.

Lögreglan mun einnig birta nýjustu tíðindi á Facebook-síðu embættisins þegar þær liggja fyrir.

mbl.is
Fleira áhugavert
Fleira áhugavert