„Þetta útspil kemur okkur mjög á óvart og það hefur aldrei verið rætt áður af hálfu bæjarins,“ segir Anna Gyða Pétursdóttir, annar eigenda hússins við Austurgötu 36 í Hafnarfirði, sem dæmt var ónýtt í apríl 2017 vegna veggjatítla og myglu.

Vísar hún til þess að umhverfis- og skipulagsþjónusta Hafnarfjarðar mælir með að fengið verði álit fleiri og óháðra ráðgjafa á því hvort húsið sé í raun ónýtt eða hvort hægt sé að bjarga því frá niðurrifi. Minjastofnun gerir ekki athugasemdir við niðurrif hússins.

„Fyrir örfáum vikum stóð málið þannig að einungis ætti eftir að gefa út framkvæmdaleyfi á niðurrifið og skrá byggingarstjóra í verkið,“ segir Anna Gyða í umfjöllun um mál hússins í Morgunblaðinu í dag og bætir við að aleiga fjölskyldunnar liggi í áðurnefndri fasteign og að hún hafi mánuðum saman þurft að bíða í óvissu um næstu skref og hvenær hægt yrði að byggja nýtt hús á lóðinni.

mbl.is/Eggert

Tengdar fréttir

Mygla í húsnæði

Kostnaður meiri en milljón á fermetra

• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“
• Bærinn kaupir ekki bankann

» Fleiri tengdar fréttir