Einn af vorboðunum er lyktin af heitu malbiki og hana lagði yfir Mosfellsbæ í dag þar sem starfsmenn Vegagerðarinnar malbikuðu yfir varasaman vegkafla á Vesturlandsvegi. Tugir bíla skemmdust þar í lok febrúar eftir að hafa keyrt í holur eins og frægt er orðið.
Vegagerðin biðlar til ökumanna um að sýna tillitsemi þegar ekið er fram hjá slíkum framkvæmdasvæðum og virða lægra hámarkshraða.