Einn hefur verið fluttur á slysadeild eftir umferðarslys á Reykjanesbraut fyrir ofan Lækjargötu í Hafnarfirði.
Að sögn slökkviliðsins á höfuðborgarsvæðinu barst tilkynning um slysið rétt fyrir klukkan átta í morgun.
Lögreglan í Hafnarfirði segir að lögreglan sé að störfum á vettvangi ásamt sjúkraliði.
Miklar tafir hafa orðið á umferð vegna slyssins.
Hvorki lögreglan né slökkviliðið gátu gefið upplýsingar um tildrög slyssins. Samkvæmt heimildum mbl.is var bifreið ekið á móti umferð á miklum hraða.
Uppfært kl. 9.30:
Níu bílar eru skemmdir eftir slysið, að sögn slökkviliðsins á höfuðborgarsvæðinu.
Verið er að mynda á vettvangi og beðið er eftir því að svæðið verði hreinsað.