Valgeir og víkingaklapp í Ósló

Ómar Diðriksson, Valgeir Guðjónsson og Hjörleifur Valsson fiðluleikari héldu uppi ...
Ómar Diðriksson, Valgeir Guðjónsson og Hjörleifur Valsson fiðluleikari héldu uppi magnaðri stemmningu á Tordenskiold. mbl.is/Atli Steinn

Fjöldi Íslendinga er nú saman kominn á og við öldurhúsið Tordenskiold í miðbæ Óslóar og er hitað upp af lífi og sál fyrir leik Íslands og Argentínu en dagskrá hófst stundvíslega klukkan 12:00, 10 að íslenskum tíma, með tónleikum trúbadorsins og hárgreiðslumeistarans Ómars Diðrikssonar sem er Íslendingum í Ósló löngu kunnur og er skemmst að minnast meðal annars frammistöðu þeirra Rúnars Þórs Guðmundssonar 17. júní í fyrra þar sem rammíslensk þjóð- og dægurlagatónlist var leikin við slík fagnaðarlæti að þakið ætlaði af The Scotsman sem hýsti samkomuna. 

Valgeir Guðjónsson Stuðmaður er staddur í bænum, eins og mbl.is greindi frá í gær í umfjöllun um „Með allt á hreinu á SALT – Íslenskir sumardagar“, hátíð íslenska sendiráðsins í Ósló, Íslandsstofu og Íslendingafélagsins í Ósló í tilefni af fullveldisafmæli, 17. júní og HM. 

Hermann Hreiðarsson er álitsgjafi NRK fyrir leikinn. Í miðjunni er ...
Hermann Hreiðarsson er álitsgjafi NRK fyrir leikinn. Í miðjunni er Hermann Ingólfsson, sendiherra Íslands í Noregi, og svo Valgeir Guðjónsson, sendiherra Stuðmanna. mbl.is/Atli Steinn

Valgeir steig á svið í upphitunarteitinni á Tordenskiold nú fyrir skömmu og lék þar á als oddi, flutti vel valin Stuðmannalög, fór með gamanmál og gerði sitt til að stuðla að þeirri mjög góðu stemmningu sem ríkir á svæðinu.

Í vandræðum með að þýða Með allt á hreinu

„Þetta er bara búið að vera alveg ótrúlega gaman og gott að koma hingað úr rigningunni í Reykjavík,“ sagði Valgeir í spjalli við mbl.is. „Við sýndum hérna Með allt á hreinu í gær fyrir fullu tjaldi og ég fór svo í viðtal um myndina við [norska ríkisútvarpið] NRK. Þá bjó ég nú að því að tala dálitla norsku eftir að hafa verið hér í Ósló í námi í félagsráðgjöf 1978 til '81. Ég lenti nú í smá bobba í því viðtali þegar ég var beðinn um að þýða titil myndarinnar á norsku. Mér datt ekkert annað í hug en Klærne er vasket [Fötin eru þvegin] og þeir skildu það alveg,“ sagði Stuðmaðurinn og skellihló en hann er svo á leið beint upp í vél til Íslands vegna Stuðmannatónleika á Íslandi 17. júní.

Að sjálfsögðu var víkingaklappið tekið.
Að sjálfsögðu var víkingaklappið tekið. mbl.is/Atli Steinn

Knattspyrnugoðið Hermann Hreiðarsson var einnig á staðnum og lét vel af sér: „Já, ég er álitsgjafi NRK fyrir leikinn og ætla að reyna að ljúga ekki of miklu að þeim,“ sagði Hermann við mbl.is og brosti í kampinn. „Ég er að þjálfa á Indlandi núna og er á leið þangað aftur en síðast þegar ég var hér [í Noregi] var það þegar Ísland-England leikurinn var og allir vita hvernig hann fór svo ég vona að það boði gott að ég sé hérna núna,“ sagði Hermann að skilnaði.

Varla fara margar upphitunarhátíðir Íslendinga fyrir viðburðinn í dag fram án þess að menn öskri þar „HÚH!“ og klappi höndum saman í hinu rómaða víkingaklappi sem nú er löngu heimsþekkt. Norska sjónvarpsstöðin TV2 vildi ekki fyrir nokkra muni missa af klappinu sem tekið var af innlifun núna klukkan tvö að staðartíma, eftir vel heppnaða æfingu hálftíma áður, og mætti tökulið frá henni á staðinn og fylgdist með atganginum. Þeir sjónvarpsmenn urðu ekki fyrir vonbrigðum því fullur bar af Íslendingum, undir stjórn Ómars Diðrikssonar, ærðist í klappinu og munu þau fagnaðarlæti lengi uppi verða meðal norskra barþjóna sem vissu ekki hvaðan á þá stóð veðrið.

Allir gestir á Tordenskiold eru þó sammála um eitt: Áfram Ísland!

mbl.is/Atli Steinn
mbl.is/Atli Steinn
mbl.is

Innlent »

Fresta orkupakkanum til vors

Í gær, 23:00 Guðlaugur Þór Þórðarsson, utanríkisráðherra segir að vegna gagnrýnisradda ætli ríkisstjórnin að fresta því að leggja fram frumvarp um þriðja orkupakkann fram á vor. Tímann muni sérfræðingar nota til að fara yfir samninginn. Meira »

„Það er allt í vitleysu hérna“

Í gær, 22:55 Vigdís Hauksdóttir, borgarfulltrúi Miðflokksins, er ekki sátt við núverandi skipan mála varðandi fundi borgarráðs. Hún fjallar um málið á Facebook-síðu sinni og fær þar m.a. viðbrögð frá borgarfulltrúa Flokks fólksins sem segist enn vera „fokill“. Meira »

120 milljónir til eflingar byggða

Í gær, 22:21 120 milljónum króna var úthlutað til sértækra verkefna sem efla eiga byggðir landsins. Sigurður Ingi Jóhannsson, samgöngu- og sveitarstjórnarráðherra, undirritaði í dag samninga við landshlutasamtök sveitarfélaga um níu verkefnastyrki sem veittir eru á grundvelli stefnumótandi byggðaáætlunar. Meira »

Notalegt rok og rigning um helgina

Í gær, 22:10 Veðrið um helgina verður það sem á mannamáli heitir rok og rigning víða um land, segir Haraldur Eiríksson vakthafandi veðurfræðingur á Veðurstofunni. Á morgun gengur í suðaustanhvassviðri eða -storm, 15-23 m/s. Meira »

Boðið inn af ókunnri „stúlku“

Í gær, 21:15 „Það er ekkert mál fyrir ofbeldismenn að hafa samband við unga krakka á Instagram,“ segir Arnrún Bergljótardóttir, sem lenti í miður skemmtilegri reynslu í London á dögunum þegar stúlka, að því er virtist, hafði samband við hana í gegn um samfélagsmiðilinn. Meira »

Hafa selt yfir 500 hjól á fyrsta árinu

Í gær, 20:52 Fyrir rúmlega ári síðan hóf íslenski hjólaframleiðandinn Lauf að selja malarhjól undir eigin merkjum. Viðtökur fagtímarita hafa verið gríðarlega góðar og er salan komin vel af stað. Á næsta ári ætlar fyrirtækið að kynna nýtt hjól. Meira »

Segir sig úr stjórn Vinnslustöðvarinnar

Í gær, 20:15 Magnús Helgi Árnason hefur sagt sig úr stjórn Vinnslustöðvarinnar. Þetta kemur fram á vef útgerðarinnar, en þar segir að hann hafi sagt sig úr stjórninni í kjölfar fundar hennar, þar sem fyrir lá tillaga um að boða til hluthafafundar og afgreiða tillögu um vantraust á hendur honum. Meira »

Óvíst hvort viðgerð á Fjordvik borgi sig

Í gær, 19:36 Ekki er víst hvort gert verði við flutningaskipið Fjordvik að fullu. Það er komið á þurrt land í Hafnarfjarðarhöfn. Bráðabirgðaviðgerð á skipinu hefst að líkindum á næstu dögum en í dagsbirtu á morgun mæta eigendur og tryggingarfélög á staðinn og meta stöðuna. Meira »

90 milljónir til að styrkja starf Barnaverndar

Í gær, 19:06 Fjölga á stöðugildum Barnaverndar um fjögur og setja tvær fagskrifstofur á laggirnar samkvæmt tillögu velferðarráðs og barnaverndarnefndar sem Borgarráð samþykkti á fundi sínum í dag. Er aðgerðunum ætlað að styrkja starfsemi Barnaverndar Reykjavíkur og nemur áætlaður kostnaður við þær um 90 milljónum króna. Meira »

Enginn náði að stöðva skákmanninn Hilmi

Í gær, 18:55 Skákmaðurinn Hilmir Freyr Heimisson sigraði á alþjóðlega ungmennaskákmótinu Uppsala Young Champions í Svíþjóð, sem lauk fyrr í nóvember, en hann hefur rokið upp stigalistann að undanförnu og er nú meðal 20 stigahæstu skákmanna á Íslandi, aðeins 17 ára gamall. Meira »

Ekki gjaldgeng í leik án íslenskunnar

Í gær, 18:40 Íslensk börn eru líklegri til að leika við hvert annað, og börn af erlendum uppruna eru líklegri til að leika frekar við önnur börn af erlendum uppruna. Jóhanna Einarsdóttir, prófessor í menntunarfræðum, segir að svo virðist sem börnin séu ekki gjaldgeng í leiknum hafi þau tungumálið ekki á hreinu. Meira »

Markmiðið skilaði 1.000 km og 315 edrú dögum

Í gær, 18:38 Tómasz Þór Veruson tók eitt skref í einu í bókstaflegri merkingu, í átt að stóra markmiðinu sínu 2018. Eftir að hafa náð því markmiði að ganga 1.000 kílómetra á fjalli, opinberaði hann árangurinn. Meira »

10 geðhjúkrunarrými í viðbót

Í gær, 18:35 Hjúkrunarheimilið Mörk óskaði eftir því við heilbrigðisráðuneytið að fá að breyta 10 almennum hjúkrunarrýmum í sérhæfð geðhjúkrunarrými. Svandís Svavarsdóttir heilbrigðisráðherra hefur fallist á þetta. Meira »

Rykmagn veldur háum styrk svifryks

Í gær, 17:55 Mikið ryk hefur í dag þyrlast upp úr umhverfinu og hefur styrkur svifryks því verið hár, eða PM10, samkvæmt mælingum í mælistöðvum við Grensásveg og Víkurvegur, að því er fram kemur í tilkynningu frá Heilbrigðiseftirliti Reykjavíkur. Meira »

Perlan með afmælissýningu á Bessastöðum

Í gær, 17:08 Leikhópurinn Perlan heimsótti Guðna Th. Jóhannesson forseta Íslands á Bessastöðum í dag og hélt þar sýningu í tilefni að 35 ára afmæli hópsins. Meira »

Úðuðu vatni vegna asbestmengunar

Í gær, 17:00 Beita þurfti sérstökum aðferðum við niðurrif á húsinu sem brann á Kirkjuvegi á Selfossi vegna þess að asbest var á klæðningu þess að utan og að hluta til að innan. Slökkviliðsmenn úðuðu vatni á húsið til að koma í veg fyrir að asbestmengun breiddist út í andrúmsloftið þegar klæðningin brotnaði. Meira »

Sakaði meirihlutann um blekkingarleik

Í gær, 16:50 „Formaður fjárlaganefndar kallar þetta ábyrgar ráðstafanir og segir að ekki sé verið að taka neitt af neinum,“ sagði Ágúst Ólafur Ágústsson, þingmaður Samfylkingarinnar, í annarri umræðu um fjárlög ársins 2019 á þingi í dag. Meira »

„Ekki skemmtilegt að keyra þennan veg“

Í gær, 16:32 Samgöngu- og sveitarstjórnarráðherra segist hafa fundið fyrir mikilli samstöðu íbúa, ekki aðeins á Vatnsnesi, heldur á öllu svæðinu, og sveitarstjórnar um umbætur á Vatnsnesvegi. „Samstaða hjálpar alltaf til þegar við þurfum að úthluta fjármagni og forgangsraða,“ segir Sigurður Ingi Jóhannsson. Meira »

Fimm milljónir í listsjóð á Akureyri

Í gær, 16:13 Samkomulag um stofnun listsjóðsins Verðandi var undirritað í Menningarhúsinu Hofi á Akureyri í dag. Megintilgangur sjóðsins er að styrkja listafólk til að nýta Menningarhúsið Hof og Samkomuhúsið sem vettvang fyrir listsköpun sína. Meira »
Nissa Leaf til sölu..
Til sölu Nissan Leaf Tekkna árg. 2016. 30 kw, dökkblár, leiðurklæddur, myndavél...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
LAGERHREINSUN - FÆÐUBÓTAREFNI Á FRÁBÆRU VERÐI!
Lagerhreinsun á fæðubótarefnum frá þekktum framleiðendum á morgun laugardag 10. ...