Björgunarfélag Hornafjarðar var kallað út um klukkan átta í morgun vegna manns sem var á göngu við Vestrahorn austan Hafnar í Hornafirði og hafði slasast á fæti. Maðurinn er staddur í fjalllendi ofan við fjöruna, þar eru miklar skriður og stórgrýtt, segir í frétt frá Landsbjörg.
Hópur af björgunarsveitafólki er kominn að manninum, hann getur ekki gengið og verið er að undirbúa fluttning hans af vettvangi.