Tveir voru fluttir með sjúkrabíl á slysadeild eftir bílveltu á Reykjanesbraut til móts við Innri-Njarðvík um þrjúleytið í dag.
Alls voru fjórir í bílnum og kastaðist einn þeirra út úr honum.
Þeir sem voru ekki fluttir á slysadeild fóru til skoðunar á Heilbrigðisstofnun Suðurnesja.
Ekki er vitað hversu alvarleg meiðsli fólksins eru, að sögn lögreglunnar á Suðurnesjum.