Allt tiltækt slökkvilið var kallað út á sjötta tímanum í morgun vegna hugsanlegs elds í lýsisverksmiðjunni á Granda.
Við komu slökkviliðs var ljóst að ekki var um eld að ræða.
„Þetta reyndist ekki vera neitt að ráði. Það var hitablásari sem myndaði einhvern hita og þá fór brunavarnakerfið í gang,“ segir varðstjóri slökkviliðsins á höfuðborgarsvæðinu í samtali við mbl.is.
Alls voru 64 útköll í gærkvöldi og í nótt sem þykir gríðarmikið.
„64 útköll eru mjög, mjög mikið. Það eru kannski svona 30 venjulega. Þetta var helmingi meira en vanalega,“ segir varðstjóri slökkviliðs.