Nýir eigendur tóku við rekstri Krónuverslananna um síðustu mánaðamót eftir að N1 yfirtók Festi. Stefna þeir að því að opna fjórar nýjar Krónuverslanir á næstu misserum.
Sú fyrsta verður opnuð í Skeifunni fyrir jól, í húsnæði þar sem Víðir var áður. Hinar verslanirnar verða opnaðar í Hafnarfirði, í Norðlingaholti og á Akureyri.
Í umfjöllun um breytingar þessar í Morgunblaðinu í dag segir Gréta María Grétarsdóttir, framkvæmdastjóri Krónunnar ehf., að hlutdeild fyrirtækisins á matvörumarkaði á landsvísu sé á bilinu 20-25%. Veltan í ár verður um 30 milljarðar.