Það er áhugavert að fylgjast með því hvaða íslensku rithendur eru dýrastar á uppboðsvefjum eins og Ebay en eiginhandaráritanir frægra ganga þar kaupum og sölum. Undanfarið hafa íslensku knattspyrnumennirnir verið með dýrustu áritanirnar og næst á eftir kemur hljómsveitin Of Monsters and Men.
Fyrir 30.000 krónur íslenskar má fá eiginhandaáritun íslenska karlalandsliðsins í knattspyrnu og hvað staka leikmenn varðar er hægt að fá bolta áritaðan af Aroni Einari Gunnarssyni á tæpar 30.000 kr.
Það vekur athygli að jólakort sem Kristján Eldjárn fyrrverandi forseti hefur sent í nafni embættis síns er einnig til sölu á Ebay á svolítinn pening eða um 20.000 kr. íslenskar og áritun annars fyrrverandi forseta lýðveldisins, Ólafs Ragnars Grímssonar, er á uppboði á um 15.000 kr.
Af íslenskum tónlistarmönnum eru Of Monsters and Men dýrastir en mynd með áritun þeirra er til sölu á um 20.000 kr.