Bæjarráð Garðabæjar samþykkti á fundi sínum í morgun beiðni Stjörnunnar um að körfuboltaleikvangur félagsins fái að bera nafnið Mathús Garðabæjar höllin í stað Ásgarðs.
Vísað er í beiðni Stjörnunnar um leyfið frá 19. október síðastliðnum.
„Deildin hefur komist að samkomulagi við Mathús Garðabæjar að salurinn beri nafn fyritækisins í umfjöllun fjölmiða. Þannig að heimaleikir Stjörnunnar í körfubolta fari fram í Mathús Garðabæjar höllinni,“ segir í beiðninni sem bæjarráð samþykkti.
Samningurinn er til eins árs og verður tekinn til endurskoðunar að loknum þeim tíma.