Frost mældist á stærstum hluta landsins í dag og fór það í tveggja stafa tölu víða á norðan- og austanverðu landinu. Mesti kuldinn á láglendi varð á Mývatni en þar mældust -22°C. Örlítið kaldara varð á hálendinu en frostið fór niður í -22,6°C í Möðrudal.
Spár gera ráð fyrir áframhaldandi kulda, sérstaklega í innsveitum á Norðausturlandi.
Á morgun gengur í austan 8-13 m/s og gert er ráð fyrir éljum á Suðausturlandi og við suðurströndina, annars þurru að kalla. Snjókoma verður á Austfjörðum síðdegis.
Frost verður talsvert norðan heiða en það mun draga úr frosti syðra.