Innlent | Morgunblaðið | 28.12.2018 | 5:30 | Uppfært 5:47

Eineltismál fleiri á vinnustöðum hins opinbera

Einelti er vandamál á íslenskum vinnustöðum og fleiri tilkynningar berast frá starfsmönnum hins opinbera heldur en þeim sem starfa í einkageiranum. mbl.is/Árni Sæberg

Eineltismál bárust til Vinnueftirlitsins í mestum mæli frá starfsmönnum hins opinbera, að því er fram kemur í nýútkominni rannsókn Vinnueftirlitsins.

Þar kemur einnig fram að í flestum tilvikum er gerandinn einn og gegnir yfirmannsstöðu, að því er fram kemur í umfjöllun um mál þessi í Morgunblaðinu í dag.

Málsmeðferð innan vinnustaðar varir oftast í þrjú ár eða lengur, en Ásta Snorradóttir segir starfsöryggi geta skýrt muninn á málum starfsmanna hins opinbera og starfsmanna einkageirans.