Ferðalag hestanna stöðvað við N1

Hestarnir komu hlaupandi á móti umferðinni niður Ártúnsbrekkuna.
Hestarnir komu hlaupandi á móti umferðinni niður Ártúnsbrekkuna. Ljósmynd/Ólafur A. Jónsson

Búið er að ná hestunum sem stöðvuðu umferð um Ártúnsbrekkuna í morgun. Lögreglunni á höfuðborgarsvæðinu barst tilkynning á áttunda tímanum í morgun um hesta sem þá voru á ferð í Árbænum.

Hestarnir tveir lögðu síðan leið sína niður í Ártúnsbrekkuna þar sem vegfarendur ráku efalítið margir hverjir upp stór augu við að sjá þessa óvæntu farskjóta á ferð eftir götunni.

Hestarnir voru loks stöðvaðir við N1 í Ártúnsbrekkunni að sögn Val­g­arðs Val­g­arðssonar, aðal­varðstjóra hjá lögreglunni á höfuðborgarsvæðinu.

Engin umferðaróhöpp urðu við þetta óvænta ferðalag hestanna, en umferðatafir urðu hins vegar þó nokkrar.

Talið er að hestarnir hafi sloppið af hesthúsasvæðinu í Víðidalnum.

mbl.is