Slasaðist við dimmiteringu á Akureyri

Stúlka slasaðist alvarlega við dimmiteringu Menntaskólans á Akureyri í gær. Stúlkan er ekki lífshættulega slösuð en hlaut alvarlega áverka í andliti og var flutt til Reykjavíkur með sjúkraflugi. Rúv greinir frá. 

Atvikið átti sér stað á palli á malarflutningavagni þegar vökvaknúinni loku var lokað. Stúlkan klemmdist á milli. Hefð er fyrir því að útskriftarnemendur fagni áfanganum með því að standa á vögnum sem traktorar draga og þeim er ekið um bæinn. 

Áfallateymi Rauða krossins var virkjað og ræddi við skólafélaga stúlkunnar og aðra sem voru á vettvangi. 

• Blogga um frétt