„Bjóða ódýrasta dropann sem er í boði“

Hlutdeild Costco á eldsneytismarkaði hérlendis er að minnsta kosti 10%, ...
Hlutdeild Costco á eldsneytismarkaði hérlendis er að minnsta kosti 10%, að sögn framkvæmdastjóra FÍB, þó að bensínstöðin sé einungis ein af 260-270 stöðvum á landinu. mbl.is/Kristinn Magnússon

Á morgun verða tvö ár liðin frá því bandaríski verslunarrisinn Costco opnaði verslun sína og bensínstöð í Kauptúni í Garðabæ, við mikinn fögnuð margra, sem töldu að verslunin myndi gjörbylta landslaginu á íslenskum dagvöru- og bensínmarkaði.

Þjóðin tók þessum nýja valkosti í verslun vel og samkvæmt könnun MMR frá því í janúar í fyrra voru 71% Íslendinga með kort í Costco, 77% íbúa á höfuðborgarsvæðinu og 60% íbúa í landsbyggðunum. Samkvæmt könnun sem Gallup vann fyrir Viðskiptablaðið síðasta vor ætluðu 85% allra korthafa að endurnýja aðild sína, að einu ári liðnu.

En hvernig meta talsmenn neytenda áhrifin af Costco? Blaðamaður hafði samband við einstaklinga sem fást við það að gæta að hagsmunum neytenda og fékk þá til að leggja eigið mat á það hvaða áhrif Costco hefði haft hér á landi síðustu tvö árin.

Afgerandi meiri munur á eldsneytismarkaði

Breki Karlsson, formaður Neytendasamtakanna, segir að Costco hafi komið inn á markaðinn „með háum skelli“ og að það hafi haft víðtæk áhrif á verðlag hér á landi. „Þeir höfðu mikil áhrif á bensínmarkaðinn, með því að vera leiðandi í því að vera með lágt verð. Því meiri samkeppni, því fleiri sem eru á markaðnum, því hagstæðara er verðið fyrir neytendur,“ segir Breki.

Breki Karlsson formaður Neytendasamtakanna segir að Costco hafi komið inn ...
Breki Karlsson formaður Neytendasamtakanna segir að Costco hafi komið inn með hvelli á markaðinn. Sjálfur fer hann ekki lengur þangað, aðallega þar sem honum ofbýður plastnotkunin í búðinni. mbl.is/Eggert

Runólfur Ólafsson, framkvæmdastjóri Félags íslenskra bifreiðaeigenda, tekur í sama streng og telur áhrif Costco hafa verið umtalsverð, ekki síst á þann markað sem tengist bílum, en auk þess að selja bensín selur Costco hjólbarða og starfrækir dekkjaverkstæði.

„Við sjáum það enn þá að þeir eru að bjóða ódýrasta dropann sem í boði er og munur á milli þeirra sem eru með dýrasta eldsneytið og hins vegar þeirra sem eru að bjóða það ódýrasta er afgerandi meiri en við sáum áður á markaðnum,“ segir Runólfur og bætir við að áhrifin á hjólbarðamarkaðinn hafi verið sérlega mikil, til lækkunar.

Morgunblaðið greindi frá því sumarið 2017 að hlutdeild bensínstöðvar Costco í Kauptúni, sem upphaflega var með 12 dælum en fékk síðar leyfi til að bæta við fjórum dælum til viðbótar til þess að anna gríðarlegri eftirspurn, væri 15% og Runólfur segir að hann hafi heyrt út undan sér að hlutdeildin væri að minnsta kosti yfir 10% þessa dagana.

Runólfur Ólafsson, framkvæmdastjóri FÍB.
Runólfur Ólafsson, framkvæmdastjóri FÍB. mbl.is/Sigurður Bogi Sævarsson

„Við erum að tala um 260-270 stöðvar á landinu og að þessi eina sé með 10%, hún er reyndar stór, en samt, það sýnir umfangið. Fólk er tilbúið að leggja á sig að bíða í biðröð og leggja í aðeins lengri ferð til þess að fá aðeins ódýrari dropa. Verðmunurinn er þarna til staðar, sjálfsafgreiðsla hjá N1 og Olís á bensíni í dag er 243,60 kr. og það kostar 207,90 kr. að taka bensínlítra hjá Costco,“ segir Runólfur.

Aðrar vörur sem tengjast rekstri bifreiða hafa einnig lækkað í verði eftir að Costco kom til sögunnar og þar nefnir Runólfur sérstaklega rafgeyma, smurolíur og ryðleysi. Þessar vörur lækkuðu alls staðar eftir að Costco opnaði verslun sína og segir Runólfur að verðið hafi haldist  „Þetta hefur skilað sér inn á markaðinn, samkeppnisaðilar hafa lækkað verð á móti. Eitthvað af þessum vörum byrjuðu ódýrari hjá Costco og svo hækkað eitthvað í verði, en ekki náð í sömu verð og þeir voru í áður en þeir komu inn á markaðinn.“

Fólk er tilbúið að leggja lykkju á leið sína og ...
Fólk er tilbúið að leggja lykkju á leið sína og jafnvel bíða í biðröð fyrir ódýrara eldsneyti. mbl.is/Kristinn Magnússon

Minni áhrif en vonir stóðu til

Auður Alfa Ólafsdóttir, verkefnastjóri Verðlagseftirlits ASÍ, segir að áhrifin af komu Costco til landsins á verðlag hafi verið minni en hún hafi vonast eftir, en þó hafi Costco sem stór aðili á markaði aukið við samkeppnina og að vöruframboð hafi að einhverju leyti breyst í öðrum verslunum með tilkomu Costco – og nefnir sérstaklega að framboð af ferskum berjum hafi aukist.

Auður segir að áhrif á verðlag hafi verið mest fyrstu mánuðina eftir að verslunin opnaði fyrir tveimur árum, en síðan hafi Costco í auknum mæli aðlagað sig markaðnum og markaðurinn sömuleiðis aðlagað sig Costco.

Auður Alfa Ólafsdóttir, verkefnastjóri Verðlagseftirlits ASÍ, segir að áhrifin af ...
Auður Alfa Ólafsdóttir, verkefnastjóri Verðlagseftirlits ASÍ, segir að áhrifin af komu Costco á verðlag hafi verið minni en hún hafði vonast til. Ljósmynd/Aðsend

Hún segir að það sé þó nær ógjörningur að greina það í sundur hver hin umtöluðu Costco-áhrif séu í raun á verðlagið, enda spili þar fjölmargir aðrir þættir inn í þróun verðlags.

„Maður hugsar alltaf, hvernig væri verðlagið í dag ef að Costco hefði ekki komið?“ segir Auður, en við því eru fá svör.

Hún segir þó klárt að Costco hafi haft áhrif á bensínmarkaðinn á höfuðborgarsvæðinu, en þar er Costco að jafnaði að selja bensínlítrann á 30 kr. lægra verði en aðrir söluaðilar, þó að Atlantsolía hafi reyndar svarað samkeppninni á Garðabæjarsvæðinu með því að lækka verð sitt verulega á sjálfsafgreiðslustöð sinni við Kaplakrika, en þar kostar lítrinn í dag rúmar 211 krónur.

Of mikið plast fældi Breka frá

En það er margt annað sem skiptir neytendur máli annað en lágt vöruverð. Breki Karlsson segir að hann hafi í upphafi keypt sér kort í Costco en svo verið í þeim hópi sem ekki endurnýjaði aðild sína.

Ástæðan var tvíþætt. Í fyrsta lagi segist Breki vera að reyna að draga úr ferðalögum sínum, en hann býr á höfuðborgarsvæðinu, fjarri Costco.

„Ég reyni að versla bara í heimabyggð,“ segir Breki og bætir því við að hin ástæðan hafi verið „gegndarlaus plastnotkun“ í versluninni sem hafi hreinlega farið í taugarnar á honum.

„Það er alveg ótrúlega mikið plast sem fellur til af öllu og mér hugnaðist ekki.“

Markvert meira en annars staðar?

„Mér fannst það, ég skynjaði það. Jafnvel þótt að þeir væru ekki með plastpoka, þá var eiginlega öllu pakkað inn í plast sem hægt var að fá þarna, þannig að það var svona kannski helst það sem vann gegn minni upplifun af því að fara þangað,“ segir Breki.

Tvö ár verða á morgun liðin frá því Costco opnaði ...
Tvö ár verða á morgun liðin frá því Costco opnaði dyr sínar í Kauptúni. mbl.is/Kristinn Magnússon
mbl.is

Innlent »

Litla Grá og Litla Hvít komnar heim

23:14 Löngu og ströngu ferðalagi mjaldrasystranna Litlu Hvítrar og Litlu Grárrar lauk nú á ellefta tímanum þegar þær komu til Vestmannaeyja með Herjólfi. Ferðalagið tók alls um 19 klukkustundir og systurnar voru farnar að sýna þreytumerki við komuna til Eyja að sögn Sig­ur­jóns Inga Sig­urðsson­ar. Meira »

Allt gert fyrir Litlu Grá og Litlu Hvít

21:37 Áhöfn og farþegar í Herjólfi bíða nú þolinmóðir eftir flutningabílunum tveimur sem flytja mjaldrasysturnar sem komu til landsins í dag eftir langt og strangt flug frá Sjanghæ. Meira »

Smíðar eru ekki fjarlægar guðspjöllum

21:24 Sr. Sigurður Jónsson, sóknarprestur í Áskirkju í Reykjavík undanfarin 13 ár, útskrifaðist úr húsasmíði í kvöldskóla Fjölbrautaskólans í Breiðholti á dögunum. Meira »

Hvað er íslenskt og hvað ekki?

20:16 Framleiðendur lopapeysa á Íslandi eru ekki ánægðir með aukna framleiðslu lopapeysa í Kína sem seldar eru undir þeim formerkjum að vera íslenskar. Þó að notuð sé íslensk ull til framleiðslunnar þar eystra þykir handbragðið sjálft ekki vera það sama. Meira »

Reyna að ná Herjólfi fyrir níu

19:39 Ferð flutningabílanna tveggja með mjaldrasysturnar Litlu Grá og Litlu Hvít hefur gengið eins og í sögu frá því að lagt var af stað frá Keflavík laust eftir klukkan 18. Bílarnir eru að nálgast Þorlákshöfn. Meira »

Steypireyðarmæðgur sáust í Faxaflóa

19:11 Hvalaskoðunarskip hitti tvær steypireyðar í Faxaflóa á 17. júní. Það eru sannarlega tíðindi og leiðsögumaður um borð segir að farþegum hafi verið stórbrugðið. Hann komst í návígi við dýrin. Meira »

7 sekúndna grænt ljós „algjörlega ólíðandi“

18:59 Bæjarstjóri Seltjarnarness ætlar að óska eftir svörum frá starfsbróður sínum í Reykjavík, Degi B. Eggertssyni, vegna knapps græns beygjuljóss á gatnamótum Geirsgötu og Lækjargötu sem margir Seltirningar nýta sér á leið heim úr vinnu og daglegum störfum. Meira »

Norsku eldisrisarnir lögsóttir fyrir meint verðsamráð

18:45 Tíu lögsóknir vofa nú yfir nokkrum af stærstu laxeldisfyrirtækjum Noregs og dótturfyrirtækjum þeirra, þar sem þau eru sökuð um verðsamráð. Meira »

Magnús fær Tesluna ekki aftur

18:21 Hæstiréttur hafnaði því í dag að mál Magnúsar Ólafs Garðarssonar, fyrrverandi for­stjóra United Silicon, vegna hraðaksturs hans á Teslu-bifreið á Reykjanesbrautinni yrði tekið fyrir. Magnús var dæmdur í fjögurra mánaða skilorðsbundið fangelsi í Landsrétti fyrir hraðakstur og að hafa valdið slysi. Meira »

Fjármálaeftirlitið hnýtir í VR

17:38 Fjármálaeftirlitið hefur birt tilkynningu á vef sínum, í tilefni frétta um að VR skoði að afturkalla umboð stjórnarmanna sem félagið tilnefnir í stjórn Lífeyrissjóðs verzlunarmanna. Meira »

Vísa yfirlýsingum VR til föðurhúsanna

17:13 Stjórn Lífeyrissjóðs verzlunarmanna hefur sent frá sér yfirlýsingu þar sem segir að ákvarðanir um vaxtabreytingar séu ætíð teknar með „hagsmuni sjóðfélaga og lántakenda að leiðarljósi, aldrei af græðgi, geðþótta, illkvittni eða til að ganga í berhögg við kjarasamninga.“ Meira »

Annar mjaldranna steinsofnaði í fluginu

17:13 Flugferð flutningavélarinnar Cargolux með mjaldrana tvo frá Sjanghæ til Íslands gekk vel og var vélin hálftíma á undan áætlun þegar hún lenti í Keflavík klukkan 13.41 í dag. Mjaldrarnir voru órólegir í byrjun flugferðarinnar en róuðust þegar leið á flugið að sögn Brynjars Arnar Sveinjónssonar, yfirflugstjóra Cargolux. Meira »

Endurskoða löggjöf um réttarstöðu brotaþola

16:54 Tillögur um bætta réttarstöðu brotaþola kynferðisofbeldis voru til umfjöllunar á ráðherranefndarfundi um jafnréttismál í dag, á kvenréttindadeginum. Dómsmálaráðherra mun hefja endurskoðun á löggjöf og lagaframkvæmd þegar í stað, að því er fram kemur í tilkynningu frá Stjórnarráðinu. Meira »

Kröfu um ógildingu vísað frá

16:52 Héraðsdómur Vestfjarða hefur vísað frá dómi kröfu um að viðurkennt verði með dómi að framkvæmd og undirbúningur sveitarstjórnarkosninga í Árneshreppi í maí í fyrra hafi ekki uppfyllt kröfur laga um kosningar til sveitarstjórna. Meira »

Sameiginleg samþykkt í fyrsta sinn

16:49 Nýverið tók ný lögreglusamþykkt gildi fyrir sveitarfélög í umdæmi lögreglustjórans á Norðurlandi vestra. Er samþykktin sú fyrsta í umdæminu sem nær yfir öll sveitarfélög á þessu svæði að því er fram kemur í frétt á vef Skagafjarðar, en þar segir einnig að fyrir gildistöku samþykktarinnar hafi ekki verið gildar lögreglusamþykktir í öllum sveitarfélögum á Norðurlandi vestra. Meira »

Greip fast um brjóst konu á dansleik

16:43 Karlmaður á sextugsaldri var dæmdur í tveggja mánaða skilorðsbundið fangelsi í Héraðsdómi Vestfjarða fyrir kynferðislega áreitni. Maðurinn var auk þess dæmdur til að greiða konu sem hann áreitti 317.187 krónur í bætur. Meira »

Skoða afnám skerðinga lífeyris

16:03 Velferðarnefnd hefur lagt fram þingsályktunartillögu sem biður um að lagt verði mat á kostnaði við að afnema tekjuskerðingar ellilífeyris vegna atvinnutekna. Feli slíkt ekki í sér útgjaldaaukningu fyrir ríkissjóð er hvatt til þess að lagt verði frumvarp fyrir Alþingi um afnám skerðinganna. Meira »

Læknar veri vakandi fyrir einkennum

15:50 „Læknar þurfa að vera vakandi fyrir sjaldgæfum sjúkdómum sérstaklega hjá Íslendingum sem ferðast erlendis,“ segir Þórólfur Guðnason sóttvarnarlæknir um þrjá íslenska ferðamenn sem greindust með chik­ung­unya-sótt eftir ferðalag á Spáni. Meira »

Bítast á um tillögur fjárlaganefndar

15:44 Ágúst Ólafur Ágústsson, þingmaður Samfylkingar og nefndarmaður í fjárlaganefnd, segir í færslu á Facebook-síðu sinni að dökk tíðindi séu í breytingartillögum meirihluta nefndarinnar við fjármálaáætlun ríkisstjórnarinnar. Hann segir að gagnrýni og vinna minnihlutans og Öryrkjabandalagsins hafi aftur á móti skilað heilmiklum árangri og haft áhrif á breytingartillögurnar. Meira »
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...
Volvo XC V70 til sölu Volvo V70 station
Volvo XC V70 til sölu Volvo V70 station. Árg. 2000. Mjög góður bíll. Vel viðhald...
fágætar bækur til sölu
til sölu nokkrar fágætar bækur Sjálfstætt fólk 1-2, frumútgáfur með kápum ...
Stál borðfætur
Til sölu notaðir borðfætur frá Stáliðjunni, 6 stk undir tveggja manna borð og 3 ...