Slökkviliðið á höfuðborgarsvæðinu var kallað út á sjöunda tímanum í morgun vegna elds í bíl á Kjalarnesi, en bíllinn stóð á bílaplani nærri munna Hvalfjarðarganga. RÚV greindi fyrst frá þessu.
Bíllinn var illa brunninn er slökkvilið kom á staðinn og er gjörónýtur, en annar bíll sem var lagður nærri bílnum sem kviknaði í varð einnig fyrir skemmdum.
Upplýsingar um eldsupptök fengust ekki hjá slökkviliðinu.