Lögregla myndaði brot alls 170 ökumanna á Sæbraut í Reykjavík á tímabilinu 10.-15. júlí, en fylgst var með ökutækjum sem fóru Sæbrautina í vesturátt á gatnamótum við Langholtsveg.
Á fimm sólarhringum fóru 22.572 ökutæki þessa leið og því voru það hlutfallslega fáir sem óku of hratt, eða yfir hinum svokallaða afskiptahraða.
Meðalhraði þeirra brotlegu var 84 km/klst., en 60 kílómetra hámarkshraði er á þessu svæði. Sá sem hraðast ók mældist á 139 kílómetra hraða, rúmlega tvöföldum hámarkshraða.
Þá var tíu ökutækjum ekið gegn rauðu ljósi á þessu tímabili.