Nýi Herjólfur í slipp vegna galla

mbl.is/Sigurður Bogi

Taka þarf nýja Herjólf í slipp vegna galla sem reyndist vera í öðrum jafnvægisugganum. Þetta staðfestir G. Pétur Mattíasson, upplýsingafulltrúi Vegagerðarinnar, í samtali við mbl.is en ferjan kom til landsins um miðjan síðasta mánuð.

Herjólfur fer í slipp á Akureyri í haust en gallinn þýðir að sögn G. Péturs að sjór fer inn í olíu. Spurður um alvarleika gallans í ljósi þess að gert sé ráð fyrir að ferjan fari í slipp í haust segir hann að betra sé að gera það strax. Þetta þýði að skipta þurfi oftar um olíu.

Spurður hvort ekki þurfi að ræða þennan galla við skipasmíðastöðina í Póllandi sem smíðaði Herjólf segir G. Pétur að það verði gert. Það sé þá annaðhvort skipasmíðastöðvarinnar að bæta það eða þeirra sem útveguðu búnaðinn.

Fréttavefurinn Eyjar.net greindi fyrst frá.

mbl.is
Fleira áhugavert
Fleira áhugavert