Eldur í flutningabíl í Hafnarfirði

Eldur kom upp í vöruflutningabíl á Reykjanesbrautinni við N1 í Hafnarfirði á tíunda tímanum í morgun. Ökumaður bílsins slapp ómeiddur en litlu munaði að eldurinn næði að læsa sig í stórt fiskitroll sem var um borð í bílnum. Eldsupptök eru ókunn.

„Sem betur fer náðist að bjarga trollinu en það myndaðist þó nokkuð mikill eldur og reykur í bílnum sjálfum,“ segir varðstjóri hjá slökkviliðinu á höfuðborgarsvæðinu í samtali við mbl.is. Ef eldurinn hefði náð að læsa sig í trollinu hefði slökkvistarf orðið mjög erfitt og því þykir mikil mildi að slökkviliðsmönnum hafi tekist að koma í veg fyrir það. 

Lögregla og slökkvilið eru á vettvangi. Búið er að slökkva eldinn og unnið er að því að  færa trollið yfir í annan flutningabíl sem og að flytja bílinn sem eldurinn kom upp í.

Töluverðar umferðartafir eru á staðnum en umferð er hleypt um aðra akreinina. 

Ökumaður bílsins slapp ómeiddur en litlu munaði að eldurinn næði …
Ökumaður bílsins slapp ómeiddur en litlu munaði að eldurinn næði að læsa sig í stóru fiskitrolli sem var um borð í bílnum. Ljósmynd/Stefán Helgi Valsson
Eldur kom upp í vörubíl á Reykjanesbraut í morgun. Fiskitroll …
Eldur kom upp í vörubíl á Reykjanesbraut í morgun. Fiskitroll var í bílnum og þykir mikil mildi að eldurinn hafi ekki náð að læsa sig í því. Ljósmynd/Stefán Helgi Valsson
Slökkviliðinu gekk vel að ráða niðurlögum eldsins.
Slökkviliðinu gekk vel að ráða niðurlögum eldsins. Ljósmynd/Stefán Helgi Valsson
mbl.is