Kveikt var í bíl í innkeyrslu einbýlishúss við Boðaslóð í Vestmannaeyjum í nótt.
Tilkynning um eldinn kom upp úr klukkan hálfþrjú í nótt. Slökkviliðið var skömmu síðar mætt á staðinn og slökkti eldinn.
Að sögn lögreglunnar í Vestmannaeyjum var um íkveikju að ræða og er málið í rannsókn. Bíllinn stóð ekki langt frá húsinu en engin hætta var þó á ferð, að sögn lögreglunnar.