Forseti Íslands, Guðni Th. Jóhannesson, og fjöldi sjálfboðaliða lögðu Marglyttunum og Bláa hernum lið við að hreinsa fjöruna í Mölvík við Grindavík í gærkvöldi.
„Við hreinsuðum upp um tvö tonn af drasli og það voru ábyggilega 50-60 manns við þetta,“ sagði Soffía Sigurgeirsdóttir, sem er í sundhópnum Marglyttunum.
Þær ætla að synda yfir Ermarsund 4. september, meðal annars til að vekja athygli á plastmengun í sjónum.