Heppinn miðaeigandi er rúmlega 12 milljörðum króna ríkari eftir að tölurnar í Eurojackpot lágu fyrir í kvöld. Að þessu sinni var það Finni sem hlaut fyrsta vinninginn. Átta miðaeigendur hlutu anna vinning og fengu hver um sig tæpar 130 milljónir króna í sinn hlut. Þeir miðar voru seldir í Finnlandi, Tékklandi, Noregi, Þýskalandi og Danmörku.
Fleiri geta hrósað happi yfir að hafa keypt sér miða því sex vinningshafar hlutu þriðja vinning og fengu rúmar 26 milljónir króna í sinn hlut. Þjóðverjar urðu fengsælastir því fjórir af sex miðum voru keyptir þar í landi.