Kennarasamband Íslands (KÍ) og Samband íslenskra sveitarfélaga hafa undirritað samkomulag um endurskoðaða viðræðuáætlun vegna komandi kjarasamninga og að formlegum kjaraviðræðum verði frestað fram í október.

Samkomulagið nær til fimm aðildarfélaga KÍ sem hafa staðið saman í viðræðunum við sveitarfélögin og fá félagsmenn þeirra í fullu starfi 105 þúsund króna eingreiðslu, sem greidd verði út 1. nóvember.

Er eingreiðslan hugsuð sem hluti af fyrirhuguðum launabreytingum á gildistíma endurnýjaðra samninga og er sagður vera sameiginlegur skilningur viðsemjendanna á því að eingreiðslan verði metin sem hluti af kostnaðaráhrifum næstu samninga að því er fram kemur á vefsíðu KÍ. Upphæð eingreiðslunnar greiðist hlutfallslega miðað við starfstíma og starfshlutfall félagsmanna.

Í Morgunblaðinu í dag segir, að í viðræðuáætluninni sé nú stefnt að undirritnun nýrra kjarasamninga fyrir 30. nóvember.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir