Kona á fertugsaldri hefur verið ákærð fyrir að fjárdrátt í opinberu starfi með því að hafa misnotað stöðu sína sem umönnunarstarfsmaður sambýlis í Reykjanesbæ í alls sex skipti frá því 19. janúar 2019 til 17. mars 2019.
Í ákæru segir að konan hafi dregið sér og notað í eigin þágu samtals 126.887 krónur af fjármunum tveggja skjólstæðinga sambýlisins með því að greiða fyrir vörur í verslunum Nettó, Bónus og Hagkaupum með greiðslukortum skjólstæðinganna.
Til vara er konan ákærð fyrir umboðssvik í opinberu starfi, með því að hafa misnotað stöðu sína í starfi.