Lögreglan á höfuðborgarsvæðinu er með tvö innbrot í Laugardalnum til rannsóknar. Bæði innbrotin áttu sér stað á áttunda tímanum í morgun, hið fyrra í fyrirtæki en seinna í vinnuskúr. Ekki er ljóst hvort innbrotin tengjast.
Þá var ekið á hjólreiðamann í Hafnarfirði rétt fyrir klukkan níu í morgun. Fram kemur í dagbók lögreglu að áverkar hjólreiðamannsins voru óverulegir og ekki var talin þörf á að flytja hann á slysadeild.
Morguninn hefur annars verið tíðindalítill hjá lögreglu, sem þó fékk tilkynningu rétt fyrir klukkan sex í morgun um opnar dyr að húsi í miðbænum. Lögreglumenn fóru á vettvang og tryggðu ástandið, líkt og segir í dagbók lögreglu.