Neita áfram að greiða fyrir björgun

Frá Seyðisfirði. Bjólfur til hægri.
Frá Seyðisfirði. Bjólfur til hægri. mbl.is/Sigurður Bogi

Bæjarráð Seyðisfjarðarkaupstaðar hefur hafnað kröfu Matvælastofnunar um að greiða kostnað við björgun eftirlegukinda úr fjallinu Bjólfi í byrjun síðasta árs. Rúnar Gunnarsson, formaður bæjarráðs, segir bæinn hafa synjað um greiðslu þessa kostnaðar í tíð fyrri bæjarstjórnar og bæjarstjóra.

Mikil umræða var um eftirlegukindur á Austurlandi veturinn 2017 til 2018. Um 400 fjár var smalað til byggða á því landsvæði, svo sem í Fljótsdal og Loðmundarfirði.

Talið var að um 20 kindur væru í ógöngum í fjallinu Bjólfi, ofan Seyðisfjarðar. Rúnar segir að fjallskilastjóri viðkomandi afréttar hafi metið það svo að ekki væri öruggt að fara þarna upp til að sækja féð.

Frestur sem Matvælastofnun gaf fjáreiganda og sveitarfélaginu til að leysa málið rann út í lok janúar og ákvað stofnunin að fá björgunarsveit ofan af Héraði til að hjálpa sér við að sækja féð. Rúnar segir í Morgunblaðinu í dag að svo óhönduglega hafi tekist til við verkið að þeir hafi drepið einhverjar kindur í leiðinni.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »