Skipulags- og samgönguráð Reykjavíkur hefur samþykkt að auglýst verði breyting á deiliskipulagi Naustareits vegna lóðarinnar nr. 6-10A við Vesturgötu.
Í breytingunni felst að heimilt er að koma fyrir svölum á austurenda Vesturgötu 6-8 og endurbyggja svalir með tröppum á Vesturgötu 10. Fyrir liggja uppdrættir THG Arkitekta ehf. að þessum breytingum. Jafnframt verður gististarfsemi heimiluð á 2. hæð Vesturgötu 6-8. Málinu var jafnframt vísað áfram til borgarráðs.
Vesturgata 6-8 er sögufrægt hús. Þar var lengst af starfrækt veitingahúsið Naust. Engin starfsemi hefur verið í húsinu nokkur undanfarin ár. Eigandi þess er Kirkjuhvoll sf., félag Karls Steimgrímssonar, jafnan kenndur við Pelsinn, og fjölskyldu, að því er fram kemur í Morgublaðinu í dag.