Rannsóknardeild lögreglunnar á Norðurlandi eystra getur ekki fullyrt að svo stöddu um eldsupptök vegna eldsvoðans á Norðurgötu á Akureyri snemma í gærmorgun.
Að sögn lögreglunnar er verið að púsla saman upplýsingum vegna þess sem gerðist.
Vettvangsrannsókn lauk í gær en við hana naut lögreglan aðstoðar frá tæknideild lögreglustjórans á höfuðborgarsvæðinu.
Í gærkvöldi hafði stærsti hluti hússins verið rifinn svo hægt væri að slökkva í glæðum.
Enginn slasaðist í brunanum en fyrst um sinn var talið að einn íbúi gæti hafa verið heima hjá sér þegar eldurinn kom upp. Svo reyndist ekki vera.