Embætti héraðssaksóknara hefur ákært lækni fyrir brot á lögum um heilbrigðisstarfsmenn í opinberu starfi með því að hafa að morgni laugardags í ágúst á síðasta ári komið í útkall á lögreglustöðina við Hverfisgötu í Reykjavík undir áhrifum.
Framkvæmdi læknirinn réttarlæknisfræðilega skoðun á sakborningi við komuna á stöðina, en við mælingu mældist áfengismagn í blóði læknisins 1,48 prómill.